المواضيع الأخيرة

» **قتل اخي**
الأربعاء أكتوبر 29, 2014 6:04 am من طرف Ebrahem Mohamed

» ابي ترحيب حار ( :
الإثنين أبريل 02, 2012 2:51 pm من طرف الهنوف

» تكفون لا تردوني ياصبايا ابييه ضرور اليوم قبل بكرا
السبت مايو 21, 2011 4:29 am من طرف عبوشه

» مراااااااااااحب أنا أعرف شوشو وهى صديقه أختي عفوره
الثلاثاء نوفمبر 30, 2010 7:45 pm من طرف دمعه قهر

» الرياض الساعة 12.15 ظهرا امس الله يرحمنا برحمته
السبت أكتوبر 30, 2010 8:18 pm من طرف ج ـودي

» 2010 حملة العودة الي اصحاب للابد
السبت أكتوبر 30, 2010 8:13 pm من طرف ج ـودي

» لآتبكَيْ عَلَّى حُطَأَمْ الدُنْيا وآبَكَيْ عَلَّى نَفَّسَك
السبت أكتوبر 30, 2010 8:02 pm من طرف ج ـودي

» أتمنى إني أكووون خفيفه ظل دائمــآآ ..
السبت أكتوبر 30, 2010 7:52 pm من طرف ج ـودي

» نشيد أعجبني
الأربعاء أبريل 14, 2010 1:49 am من طرف زائر

دخول

لقد نسيت كلمة السر


    موضوع خـــطـــيـــر مــــــهـــم جدآ جدآ \لآزم تقرون كـلكم

    شاطر
    avatar
    vip حريسان
    حارسه المنتدى من اي احد غريب
    حارسه المنتدى  من اي احد غريب

    انثى عدد الرسائل : 1018
    العمر : 24
    العمل/الترفيه : حارسه المنتدى من اي احد غريب
    المزاج : رآآآآآيفه ع طووول
    تاريخ التسجيل : 14/01/2008

    موضوع خـــطـــيـــر مــــــهـــم جدآ جدآ لآزم تقرون كـلكم

    مُساهمة من طرف vip حريسان في الجمعة مارس 13, 2009 4:46 pm

    cheers آلسلآم عليكم ورحمة أللة وبركآتة cheers
    كيفكم ان شاء الله بخبر Smile ،،،آليوم جايبتلكم موضوع عجبني جاني على الايميل
    واتمنى آلكل يقراءة ويستفيد منه وآنشاءآلله ما تخيبون ضني وتقرونه كلكم scratch
    لاحد يطنش الموضوع مهم مرهcyclops
    I love youاخليكم مع الموضوع

    ___________________________________________________
    قبل 10 سنوات او حولها

    كنا لما نمشي في ديرتنا ونشوف اجنبيه فاتشه

    تطير عيوننا .. نقول وش هذي .. يا ساتر ..
    ===================
    كان يا ما كان

    قبل ثلاثة ايام

    افتح ايميلي واشوف رساله من قروب مشهور... صور لبنات ويتفاخرون انهم سعوديات ..!

    السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها

    مثال ..

    صورتين

    لـ 6او 7 بنات..صافات..عالجدار وملقينا ظهورهم..ومرفعات يدينهم (كأنهم معاقبات)..

    ومنزلين البنطلون..ونص البتاع طالع..



    قله الحيا هذي مهيب مقبوله!!

    10
    سنوات فتره موب قليله ..

    كيف وصلنا لهذي الدرجه من فراغ الاخلاق . ؟؟


    الصيف اللي راح.. للأسف غلطنا ورحنا مصر .. وما ادراك ما مصر ..

    مع الحرص الشديد الحمد لله للابتعاد عن اماكن الفساد .. لأنه يوجد فيها فساد اكثر من الدول الغير عربيه

    صراحه!!

    ويلومننا ليه نكره الدول العربيه!


    رحنا لمطعم سقيم..طلع فيه واحد عالستيج.. ومسك المايك وقال

    ((
    احلى تحيه لشعب السعوديه))

    وتصفيييييييييق..!!


    ....


    ارجع الحين لصلب الموضوع..

    ليش صرنا نشوف صور كثيره.. وعناوين الصور

    ((
    سعوديات..سعوديات..سعوديات))


    لو نتفرج عالصور..


    نلقى رجول..


    نلقى جزم!


    نلقى اساور خضرا<<يعني ترا حنا سعوديات..



    والفيس بوك عاد..والهاي فايف.. انواع الصور اللي مدري وش اقول عنها


    شفايف..


    * * *...

    عيون..


    ونادر ما تلقى وحده حاطه وجهها..



    على فكره.. اللي تحط صوره وجهها,, محترمه اكثر من اللي ترزز اشياء ثانيه!!



    يعني عشانكم تتغطون..تروحون تصورون ذا الصور..!


    تمنيت اني اطيح على بروفايل احد..والقاه حاط اسم كتاب حلو نقراه..خاطره حلوه من كتابته.. موقف

    مضحك مر فيه..موقف مؤثر..


    او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟


    اذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..


    ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا..

    وش هالفضاوه في العقل لدرجه انكم تصورون يدينكم.... رجلينكم..
    ولا
    ((
    شنطكم الماركه))..


    يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او

    يمكن شكل الصوره حلو..


    بس ان الوحده تجي تصور مقفاها.. هي وخوياتها.. وكاشخه بالجي سترينق!!

    والمنتديات والقروبات السعوديه تتسابق لنشرها ..


    بعدين انتي ياللي مصوره انتي وخوياتك..


    يعني انتي همك الوحيد ما يشوفون وجهك عشان محد يعرفك..


    بس مقفاك.. شفايفك.. و* * * *...... عادي يشوفونه ؟


    لأن المهم عندك الناس.. موب الله ...!!


    طيب صورتك قدام نفسك.... ما تهتز انك سويتي شي حقير ووضيع مثل هالشي؟؟


    اصلاً اصلاً.. كيف صورتوا صوره زي كذا.. يعني ما استحيتوا من بعض يا بنات؟؟


    عيب يعني...... يعني عشانكم بنات مع بعض عادي تورون بعض يعني؟؟


    ولا اقولكم..انا نسيت انكم ناشرين الصور للشباب..... فما يهمكم البنات..!



    يعني صدق شي يضيق الصدر.. بنات سعوديات مسلمات في مجتمع مثل مجتمعنا يسوون زي كذا..



    ودي اعرف امك..وابوك..وش بينظرون لك بعد ذي الصور؟؟

    حرام..اهلكم ربوكم احسن تربيه..

    بس انتم للأسف ما ربيتوا انفسكم..

    فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!



    ولا قروب ثاني سعودي برضه... ..والصور اللي ناشرينها..


    ذوليك عاد.. متبرقعات..وبعابياتهم..متكحلات..ومسوين حركات غبيه ومصورين..!


    طيب.... وبعدين؟؟ ابي افهم وش الهدف؟؟ مره وناسه؟؟ مره يضحك؟؟ مررررره كوووول انتم صراحه!!



    طبعا ترى الكلام موب موجه للبنات فقط.. .. لأن يوجد عندنا وبكثره رجال عقول فاضيه..


    اللي همهم نوم واكل.. ..وفلوس ياخذها من ابوه ولا امه!



    تطوروا شوي.. ارتقوا شوي..اطلعوا بصوره احلى من كذا..



    انتم عارفين ان النت اكبر وسيله انتشار..


    قبل فتره.. في ام بي سي فور.. برنامج من برامجها عارض بروفايلات لبنات سعوديات.. باسماءهم..

    طبعا موب اسماء حقيقه.. !

    بس شوفوا الصور انتم!!

    شفايف و اساور وشنط و* * * *
    ومدري وشو..
    علقوا على هالشي باننا متكمكمين بعبايتنا

    عشان كذا نروح عن انفسنا بهاذي الطريقه..


    ما تستحون؟؟ صوركم قدام انفسكم!؟ ما تهتز؟؟


    avatar
    vip حريسان
    حارسه المنتدى من اي احد غريب
    حارسه المنتدى  من اي احد غريب

    انثى عدد الرسائل : 1018
    العمر : 24
    العمل/الترفيه : حارسه المنتدى من اي احد غريب
    المزاج : رآآآآآيفه ع طووول
    تاريخ التسجيل : 14/01/2008

    رد: موضوع خـــطـــيـــر مــــــهـــم جدآ جدآ \لآزم تقرون كـلكم

    مُساهمة من طرف vip حريسان في الجمعة مارس 13, 2009 5:04 pm



    انشرو شي حلو,,...حاولو تطلعون بشخصياتكم الحقيقيه.. موب تصيرون مثل الفنان الفلاني.. ولا البنت الفلانيه..


    ليه بس تنشرون الشي الشين؟


    انواع المقاطع الشينه تنتشر.. انواع الصور الشينه تنتشر..


    ليه؟ وش استفدت؟؟ غير الذنب واالأثم.. انك خليت احد يشوفها.. وانك نشرت شي مو كويس عن

    المسلمين!



    اقولكم شي؟

    شفتو كتاب (بنات الرياض) قريته..صراحه كل اللي فيه واقع..اشياء فعلا تصير عندنا..طبعاً لفئه معينه من

    الناس..

    بس تدرون ان الكتاب تترجم لاكثر من 22 لغه؟؟

    تدرون انهم برا يدرسون الكتاب ..

    فيه دوله من الدول يدرسونه؟؟ تخيلوا؟؟

    يا حلّو الثقافه اللي يتثقفونها بس ..!!

    يعني الحين اللي برا..يدرسون الكتاب كنص سعودي ادبي يمثل حياة السعوديين.. كله سلبيات في

    سلبيات,,!,,

    مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه

    والسياسيه الاجتماعيه في هذيك الفتره..

    هم يدرسون (بنات الرياض) لتمثيل المجتمع السعودي!
    ااااخ بس

    انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته اشوفه

    بعيني عندنا..

    وكل اللي سووا عليه ضجه.. هذولي يبون يعترضون لمجرد الاعتراض..


    ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف !!

    ليه تنكرون كل اللي بالقصه وانه موب موجود!

    الا موجود ونص والدليل هاللي نشوفه بالنت والسوق والجامعه وكل مكان!

    شلون الواحد يصلح مجتمعه؟؟

    بأنه يغطي على اغلاطه ولا يحكيها عشان ما ينفضح قدام الاجانب والناس!


    بس عادي يدشرون ويخربون وكل شي.. بس ما ينتشر عنهم شي!


    ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم

    سعوديين.... ناس طاهرين!


    غلط ! كل دوله بالعالم فيها الصالح والطالح..

    البيت الواحد فيه الصالح والطالح..


    ما تحبون احد يحكي فيكم ابد.. بالرغم من كل الاغلاط بحياتكم..


    قبل فتره سمعت انهم رحلو هشوم الرياض.. الى ديرته الحقيقه

    (
    سوريا)

    وانه لا يمت للشعب السعودي بصله!

    كأن ما عندنا سعوديين من هالجنس!!

    ===============
    ليه ما تصلحون ايميلات تعود لكم بالفايده؟

    وتحسن سمعتكم!

    وتظهر الجانب الحلو في كل سعودي وسعوديه؟


    بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات..ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو ...فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!!

    ==================

    شله شباب..اعرفهم بعد.. طبعا هم نجديين..طالعين لجده..في رحله بحريه..وصادو كميه لا بأس بها من السمك..

    تدرون لو باعوا السمك.. كم يبيجب لهم؟ تقريبا 4 الاف ريال ....

    بس هم كانت نواياهم اهم من الفلوس..

    اخذو السمك وودوه لمنطقه فيها ناس فقرا.. وتصدقوا به..

    ====================
    برضو حمله تبرعات الراجحي..

    ترى اكثر من تبرع فيها شباب..


    يعني فيه ناس تشتغل.. فيه ناس عندها اهداف.. تفكر صح

    موب بس بالنت.. حتى برا النت,,

    سواء بنات او شباب..

    نبغى جيلنا السعودي الجديد ينتشر عنه كل شي حلو..

    انا ما اقول انكم ما تنبسطون... بس برضه بحدود..


    موب عشانكم ورا الشاشات .... الأمر يعني عادي؟؟


    (
    هياط ورا الشاشه = مرض)


    الصور اللي من النوعيه اللي ذكرتها في البدايه.. بطلوا تنزلونها النت.. بطلوا تحطونها بالبروفايل حقكم.. ترا صدق يعني هالشي ما يبين الا فضاوه عقولكم....لأن هالبروفايل يبين شخصيتك..


    اي احد يشوف هالصور..والا يجيه ايميل من هالنوعيه.. يبطل ينشرها.. لأنها يساعد على انتشار

    هالظاهره..لأن التقليد عندنا اعمى!!

    ======================
    وابي اتطرق لموضوع دخل فجأه معاي ..

    بس لازم اعلق عليه(( فضيحه بنت .. الخ)) هالنوعيه من الصور

    والفيدوهات.. ترا عليكم اثم لو نشرتوها..

    حرام.. يعني ما تخافون من ربي؟؟

    اولاً نشرت شي حرام. ثاني شي ما سترت على بنت او ولد الناس..

    ما تخاف ربي يفضحك بشي بعد سنه او 2 او 100!!


    قال الرسول صلى الله عليه وسلم

    (
    من ستر على مؤمن بالدنيا,,ستر الله عليه بالاخره)

    اتمنى ان موضوعي هذا ينتشر بنفس الطريقه اللي انتشرت فيها هالصور..


    يهمني الموضوع ينتشر في المنتديات السعوديه.. اكثر من المنتديات العربيه..
    واتمنى انكم ترسلونه لااكثر من ايميل..

    لأننا نحاول نناقش قضيه سعوديه داخليه..ومافيه مجتمع ما يخلو من الاخطاء..


    ابغى اذا احد قال((احلى تحيه لشعب السعوديه)) وعادها 6 او 10 مرات..

    اعرف ليه قالها.. واقول معي حق اني اصــفــــــق..

    تعليق :

    واعرف من فضل الله ان الغالبية العظمى من المجتمع السعودي بعيدة عن هذه الأمور....

    انشرها راح تكون ساهمة بتعديل مجتمعنا السعودي...ولك الاجر ان شاء الله..
    والله يحفظ بناتنا وعيالنا
    ..

    ملاحظه : مو يعني انا ارسلت لك الرساله يعني اقصدك لا بس ابغى الرساله توصل للغير والصوت
    !...
    يكون مسموووع




    ___________________________________________________________
    آن شآء ألله عجبكم Very Happy
    ـــــــــــــــــــــــــــــــــــــــــــــــــــــــــــــ
    Ghadawy

    avatar
    *_*bnoOota...coOol*_*
    مشرفة مميزة
    مشرفة مميزة

    انثى عدد الرسائل : 1474
    العمر : 23
    العمل/الترفيه : مصممه ديكور انشاء الله في المستقبل..
    المزاج : كووووول مادام اني بنوته كووووول
    تاريخ التسجيل : 05/12/2007

    رد: موضوع خـــطـــيـــر مــــــهـــم جدآ جدآ \لآزم تقرون كـلكم

    مُساهمة من طرف *_*bnoOota...coOol*_* في السبت مارس 14, 2009 6:58 pm

    موضوووووووووووع بصراحه مرررررره حلوو
    جزاااااااااااك الله خير
    avatar
    $$ ســمو الفــقيــرة $$
    راعية الحلال(شوشوسابقا)
    راعية الحلال(شوشوسابقا)

    انثى عدد الرسائل : 1528
    العمر : 29
    العمل/الترفيه : كنت قانون (وجه مطلع لسانه )
    المزاج : مستوى ثااااامن ليه تسوي كذا ؟؟!!
    تاريخ التسجيل : 25/08/2007

    رد: موضوع خـــطـــيـــر مــــــهـــم جدآ جدآ \لآزم تقرون كـلكم

    مُساهمة من طرف $$ ســمو الفــقيــرة $$ في الأحد مارس 15, 2009 2:43 am

    ليتها جت على تصوير اليدين والشنط كان زيييييين

    بالعكس حلو
    مو الصور البايخه اللي مالها موقع من الاعراب الا تشويه سمعة السعوديه

    آآخ بس ليتني ساكنه فعصر الصححابه


    شكرا جزيلا غدووو
    avatar
    $$ أنعمـ عربجيهـ $$
    كونوا لطفاء و صبورين معي فأنا صديقة جديده هنا
    كونوا لطفاء و صبورين معي فأنا صديقة جديده هنا

    انثى عدد الرسائل : 9
    العمر : 23
    العمل/الترفيه : School student
    المزاج : Volatile mood
    تاريخ التسجيل : 27/03/2008

    رد: موضوع خـــطـــيـــر مــــــهـــم جدآ جدآ \لآزم تقرون كـلكم

    مُساهمة من طرف $$ أنعمـ عربجيهـ $$ في الأحد مارس 15, 2009 6:08 pm

    مــشكورهـ جــزآك الله خير ع المــوضوع مـآ قــصرتي ..
    avatar
    vip حريسان
    حارسه المنتدى من اي احد غريب
    حارسه المنتدى  من اي احد غريب

    انثى عدد الرسائل : 1018
    العمر : 24
    العمل/الترفيه : حارسه المنتدى من اي احد غريب
    المزاج : رآآآآآيفه ع طووول
    تاريخ التسجيل : 14/01/2008

    رد: موضوع خـــطـــيـــر مــــــهـــم جدآ جدآ \لآزم تقرون كـلكم

    مُساهمة من طرف vip حريسان في الجمعة مارس 20, 2009 12:27 pm

    العفو ويعطيكم العافيه على المرور العطر
    واتمنى الكل يقراء هذا الموضوع لانه مهم مررره في زمانا
    وهذي الضاهرات دايم نشوفها
    واتمنى انكم استفدتوا

      الوقت/التاريخ الآن هو الأحد يونيو 25, 2017 7:16 am