كان ودي انزل لكم هالموضوع فيوم الثلاثاء
فنفس اليوم اللي رحنا فيه للجنادريه
وش اقولكم عن هالرحله
تخيلو معاي كلنا بنات مع بعض فنفس القسم ونفس المستوى ونفس الاستاذات والدكتورات
وفي باص واحد تقريبا كل اللي معاي صديقاتي وحبيباتي
وفيه باص ثاني لان كنا شوي كثير
تبدا الرحله بشاهي مرمر زماني اللي ماكملته
بس كان مره لذيذ
بدات الرحله بتوصيات من أوناسون كثيرون اني اجيب لهم كليجا
وكانت معي حبيبة قلبي فريند فور ايفر (نوري) وانواع الاتصالات جيبي كليجا واللي تقولها سمن وقرصان .. الخ
جانا منادي يقول الباصات جاهزه طلعنا برى وكل وحده ركبت الباص
وكانت معنا دكتوره عزيزه رغم انها ماتدرسنا لكن ماشاء الله ماقصرت باللي سوته
ماتعرفنا وماشاء الله جايبه لنا قهوه وشاهي وحليب وفطاير وحلى وانواع العصاير ومويه
تبي توسع صدورنا عسى ربي يوسع صدرها وفعلا انبسطنا
وكاللعاده نوري قامت توزع علينا وتصب وتاكلنا وتعطينا العصير
مشينا مشينا مشينا
واحنا ماشين اللي تشرب قهوه واللي تشرب عصير واللي تسولف
واللي مسويه مجتهده تعطي الاستاذه ريبورتها واوراقها<<<------- ماتقصد مرمر زماني البثره
واللي ماسكه الجوال وتصور هي وصديقتها <<<<---------ماتقصد دلووووعه وبسوم (نوري وابتسام )
واللي يتكلمون عن فوائد الخضار (الجرجير ) <<<--------ماتقصد مس لوني (نوف ونرجس )
واللي تصب القهوه والشاهي وواقفه و طبعو على لابكوتها طبعة روح <<<-----ماتقصد فريند فور ايفر
واللي منحاشه من دكتووووووورتها وسوت خطه رهيبه لو فمكانها سويتها <<<----- ماتقصد ابتسام (bsooomah(
واللي جوالها خربان وشايله همه تبي تصور المناظر اللي فالجنادريه وطول الطريق ابي اصلح جوالي واشغلتني معها <<---- ماتقصد جواهر
واللي ماسمكه جوالها وتصور الطريق وواقفه طول الطريق <<<-------ماتقصد نفسها (راعية الحلال)
وصلنا للبر والتراث على قولتهم الجنادريه وسااااعه كامله عند البوابه زحممممممه مره
وقفنا عند التفتيش طلب الشرطي من السواق انه يفتح باب الباص استغرب السواق وراح فتح الباب
وركب الشرطي
وطل قال ااها كلهم بنات
خييييييييييير
قعد يهاوشه السواق على اي اساس تقول افتح الباب يعني بجيب رجال مثلا وماتشوف انت زين من قدام واضح انهم حريم ليه تدخل
المهم مشينا ودخلنا بعد ايش
وقف الباص ونزلنا الاستاذات يرتبون يابنات ياويلكم تتاخرون الساعه 12ونص تجون واللي تقول لا اوصيكم على انفسكم راقبو ربكم
بس قهرتني اللي قالت 12ونص
ماوصلنا الا 10 ولا يمدي نسوي شي
ورانا شرى كليجا وقرصان وسمن
المهم نزلنا كلنا مع بعض دخلنا للغباااااااااااار والتراااااااااب
بقولكم شي
قبل نركب الباص لقيت ابتسام لابسه شبشب قلت ويييييييييين بايعه رجلك انتي وراك لابسه كذا
تدرون وش قالت؟؟
تقولي الجنادريه مهب مبلط ؟؟؟؟؟؟؟؟؟؟؟
هههههههههههههههههههههههههههههههههههههههههههه
ياحبيلها بغيت احب راسها
المهم نرجع للجنادريه
كانت فينا طاقات حقت اربع سنين ودنا نلعب ليييييين نقول بس
دخلنا داخل قالت لنا استاذه صفيه تجمعو عندي
تدرون وين جمعتنا ؟
عند ناس يطقون طق كانو ساكتين مابدو
على بال ماتجمعو البنات وتوها تتكلم تقول بنات اسمعو
الا الطقاقات بدا البنات اللي واقفات ورا سرقو انفسهم وطبو يرقصون وحده وحده
لين مابقى احد وهي تنادي
بناااااااااااااااااااااااااااااااااااااااااااااااااااااات تعالو
طبعا ماودي اقولكم سفهوها ورقصو لان هذا اللي صار
ههههههههههههههههههههههههههههه
تعالو شوفو الحوله ولا نوري ولا نرجوسه ولا بسم الله على قلبها بنت الحمايل ولا بسومه
ماشاء الله عليهم
المهم خلصو الطقاقات رجعو البنات للاستاذه
وقعدت تقولنا ان هذا المكان اللي نجتمع فيه الساعه 12ونص بالضبط طبعا تتكلم والبنات يقولون لها بسرعه بنكمل رقص
رجعو ورقصو ثاني
جينا بنمشي لاماكن ثانيه الا الطقاقات رجعو يطقون هذاك الطق السريع
اللي رقصها يجي ركض
وتجيكم كشه ملونه وفريند فور ايفر يركضون ركض بسم الله على قلوبهم سدحوووووووووووونا من الضحك
واحنا صافين صفين وهم بالنصف ونصفق
خلصنا من القسم هذا والحين مشينا للقصيم
وكلنا البنات نمشي مجموعه وحده ولا نمشي مثل العالم لا
نرررررررركض مثل الاطفال اللي كانو حابسينهم وطلقوهم
نركض ونصارخ
وصلنا للقصيم الحين لازم ننتظر دورنا عشان يخلصون الرد الاول من الرص وواقفين ورا الباب
ويقعدون ينادون البنات عاوزين نرقص
عاوزين نرقص
عاوزين نرقص
بعد عشر دقايق فتحو الباب
انتهى الجزء الاول من القصه
يتبع
عدل سابقا من قبل $$ ســمو الفــقيــرة $$ في الأربعاء مارس 26, 2008 9:42 pm عدل 1 مرات
الأربعاء أكتوبر 29, 2014 6:04 am من طرف Ebrahem Mohamed
» ابي ترحيب حار ( :
الإثنين أبريل 02, 2012 2:51 pm من طرف الهنوف
» تكفون لا تردوني ياصبايا ابييه ضرور اليوم قبل بكرا
السبت مايو 21, 2011 4:29 am من طرف عبوشه
» مراااااااااااحب أنا أعرف شوشو وهى صديقه أختي عفوره
الثلاثاء نوفمبر 30, 2010 7:45 pm من طرف دمعه قهر
» الرياض الساعة 12.15 ظهرا امس الله يرحمنا برحمته
السبت أكتوبر 30, 2010 8:18 pm من طرف ج ـودي
» 2010 حملة العودة الي اصحاب للابد
السبت أكتوبر 30, 2010 8:13 pm من طرف ج ـودي
» لآتبكَيْ عَلَّى حُطَأَمْ الدُنْيا وآبَكَيْ عَلَّى نَفَّسَك
السبت أكتوبر 30, 2010 8:02 pm من طرف ج ـودي
» أتمنى إني أكووون خفيفه ظل دائمــآآ ..
السبت أكتوبر 30, 2010 7:52 pm من طرف ج ـودي
» نشيد أعجبني
الأربعاء أبريل 14, 2010 1:49 am من طرف زائر