رمضان بين الماضي والحاضر

أم عزيز : ألووووو

أبو عزيز : نعم

أم عزيز : متى ترجع للبيت؟

أبو عزيز : وش تبين؟

أم عزيز : أنت ناسي إن اليوم خمسطعش !!

أبو عزيز : لا منيب ناسي , بس ليه ؟

أم عزيز : رواتبكم يالمتقاعدين

أبو عزيز : اييييييييييييييييييييييييييييه

أم عزيز : لا رجعت أصرف بطريقك بنروح نتقضى مابقى شي على رمضان وكل اللي باقي15 يوم و 4 ساعة 27 دقيقة و 35 ثانية والحين يغلون الأسعار

أبو عزيز : أيه صادقه , انا جاي , مع السلامه

أم عزيز : حافظك ربي

أم عزيز : أم عوماااااااااار

أم عمر : في حاله صمت ( مفهيه)

أم عزيز : ام عمر ووجععع

أم عمر : لبيه ( من الروعه ) أمري

أم عزيز : وراتس هبله ماتسمعيني , أنجزي جيبي عباتي بنروح نتقضى

أم عمر : أبشري يمه , بس ابي اروح معاكم

أم عزيز : غريبه وش عندتس

أم عمر : أبد ابي اتقضى حلى لي غيركم

أم عزيز : خلاص روحي بسرعه جيبي العبايه ابوتس تحت

أم عمر : ابشري يمه ثواني



^^^


ناس ماتفكر إلا ببطونها برمضان <<<<< علمي روحتس


كشعب سعودي تحلو لنا الأكلات برمضان غير عن كل الشهور وكل وحده تطلع فنها بالأكل

فمن هذا المنطلق نبي نتذكر رمضان في ربوع بلادنا كيف كان والآن









ونبدأ أكيد بالحلا كله عاصمه الطخمان " الرياض " >>>>> وجه يطالع المستبده



الحديث عن رمضان بالرياض ماينمل والله

واحلى شي إذا جلستي عند جدتس وقامت تسولف عن ايام اول برمضان

وتتنهد تنهيده طوييييييييلة وتبدأ تسولف_ قبل ذلك رحم الله جداني توفوا في رمضان في نفس الشهر والسنه _

تقول أيه يابنيتي رمضان قبل كان بسيط وش حلاتة

كانت الناس تروح للمسجد قبل لايأذن ويستعدون للصلاه ويقرون القرآن إلى الآذان

وكانوا يحرصون على ختم القران أكثر من مره وكان يجيبون لمتس الأشياء قبل لايأذن الظهر علشان يلحقون على الصلاه
ولازم ياخذون قيلوله ( من زمان شعب يحب الراحه )

وطبعا قبل السمبوسه والطرمبة واللقيمات يشترونهن لأن ماكانو يعرفون يطبخونها

ثمن يروحون للمسجد ويقعدون يصلون وبعدها يقرون القرآن ويستغفرون إلى حزه الآذان

يرجعون للبيت ويفطرون على تمر وقهوة وبعدها الشوربه والمكرونه والشعيريه والسمبوسه والمشبك

والحلا مايستغني عنه التطلي والمهلبيه


وكانوا يقعدون جلسه قبل آذان العشاء مع الأكل

وقبل ماكان عندهم تلفزيون كان الراديو يسليهم

ويسمعون أم حديجان

وكانو الأهل يطبخون كثييير ثمن يقسمونه نص لهم ونص يرسلونه للمسجد علشان يفطرون به

الفقراء عاد لازم القرصان والجريش والمرقوق

ولازم كل وحده ترسل لجارتها <<<< أحلى شي ذا

ويسمونها ذواقة

وفي ميزه بالصلاه لما يخطب الأمام كانت توزع القهوه والشاي على الحضور وكانوا الحريم قبل يتكفلن بذا الشي

وأحس إلى الآن ذي العاده موجوده


ماقدرت اخذ من جدتي إلا ذا الكلام بعد ضربه موجعه على الراس <<<< بلاتس عليتيها

قومي خليني امدد رجولي


::



الحين تغير الحال

وهذا واضح

وماراح اكتب عن الحين


كل واحد يجي ويكتب عن طريقتهم وكيف يسوون

وش عندكم ؟


وكل منطقه غير عاصمه الطخمان يكتبون لنا قبل وش كانو يسوون والحين

ورمضان كريم لشعب اصحاب للأبد وللأمه الإسلاميه


::


أم عمر

مافي افهم شيء